Las-Veqasda Donald Trampın oteli yaxınlığında "Tesla Cybertruck"ı partladan sürücünün kimliyi məlum olub.
İnsanoid.com xarici KİV-ə istinadən xəbər verir ki, "Trump Otel"in qarşısında partlayış baş verən zaman əslən Kolorado-Sprinqsdən olan 37 yaşlı Metyu Livelsbergerin avtomobildə olduğu iddia edilir. Bildirilir ki, həmin şəxsin Nyu Orleanda terror aktını həyata keçirən Şəmsud-Din Cabbarla əlaqəsi ola bilər. Livelsbergerin sosial media hesabında onun xüsusi qüvvələrdə təcrübəsi olan bir kəşfiyyat meneceri olduğu bildirilir.
Axtarış zamanı “Cybertruck” elektromobilindən külli miqdarda pirotexniki vasitələr və benzin qutuları aşkar edilib. "Trump Otel"in binası boşaldılıb.
Maraqlı məqam ondadır ki, hər iki (Nyu Orleanda terror aktında istifadə edilən) avtomobil eyni yerdən icarəyə götürülüb.
Co Bayden bildirib ki, kəşfiyyat orqanları Nyu Orleandakı terror aktı ilə Tramp otelindəki partlayış arasında əlaqənin olub-olmadığını araşdırır.
