“PAŞA Bank” yeni nəsil rəqəmsal imza – SİMA üzrə ilk tərəfdaş oldu. Bu barədə SİMA token məlumat verib.
Məlumata əsasən, “PAŞA Bank”ın əmək haqqı kartı sahibləri nağd pul kreditləri ilə bağlı sorğularını bankın yeni mobil tətbiqi üzərindən göndərə bilərlər. Daha sonra müvafiq sənədləri də yeni nəsil rəqəmsal imza – SİMA vasitəsilə təsdiqləyərək kredit əldə edə bilərlər.
Beləliklə, müştəri banka gəlmədən ayrılan kredit vəsaiti birbaşa müştərinin əmək haqqı kartına köçürülür.
Həmçinin yeni imza vasitəsilə bank xidmətləri ilə yanaşı, digər sahələr üzrə də elektron xidmətlərdən istifadə etmək mümkündür.
Qeyd edək ki, əmək haqqı kartı PAŞA Bankda olan müştərilər 21-29% maksimal müddəti 48 ay olmaqla kredit əldə edə bilərlər. Kreditin rəsmiləşdirilməsi üçün komissiya isə 1% təşkil edir.
