Xətai rayonunun Nəsrəddin Tusi küçəsində sanitar-gigiyenik qaydalara əməl olunmadan heyvan kəsimi və ət satışı həyata keçirən məntəqələr aşkarlanıb. Bu barədə 15 noyabr tarixində Qida Təhlükəsizliyi Agentliyinin saytında məlumat verilib.
Reydlər zamanı baytarlıq normalarına əməl edilmədən ət məhsullarının satışa çıxarıldığı məlum olub. Nəticədə yerli icra orqanlarının əməkdaşları tərəfindən qida təhlükəsizliyi tələblərinə uyğun olmadan heyvan kəsimində istifadə edilən dəmir konstruksiyalar sökülüb. Həmçinin Agetliyin əməkdaşları sahibkarlara ət kəsimi məntəqələrinin baytarlıq-sanitariya tələbləri haqqında məlumat veriblər.
Qanuna əsasən, iri və xırdabuynuzlu heyvanların kəsim məntəqəsi kəsimdən qabaq saxlanma, kəsim, toplanma, bağırsaqların təmizlənməsi, ətin doğranması və qablaşdırılması, ətin soyudulması, yükləmə bölməsindən ibarət olmalıdır.
