Almaniya Prezidenti Frank-Valter Ştaynmayer Qətər Hava Limanında gözlədilib. Bu barədə İnsanoid Almaniyanın "Spiegel" jurnalına istinadən bu gün, 30 noyabr tarixində xəbər verir.
Almaniya Prezidenti Frank-Valter Ştaynmayer Qətərə çatandan sonra təxminən yarım saat rəsmilər tərəfindən qarşılanmasını gözləyib.
Məlumata görə, onunla səfər edən şəxslərin təyyarəni tərk etməsi səbəbindən Prezident təyyarədə tək olub.
Almaniya dövlət başçısı bir neçə dəfə təyyarənin açıq qapılarına yaxınlaşıb.
Həmin vaxt rampada fəxri qarovul dəstəsi düzülüb, limuzin gətirilib, lakin Qətər rəsmiləri olmayıb. Nəşrdə qeyd edildiyi kimi, Prezidentin təyyarəsi planlaşdırılan vaxtdan tez gəlib və bu da gözləməyə səbəb olub.
[video width="1920" height="1080" mp4="https://insanoid.com/storage/thumbs/large/2023/11/Sequence-01_12.mp4"][/video]
