Qəzza zolağında ötən gün daha iki israilli hərbçi ölüb. Bu barədə 26 dekabr tarixində APA İsrail Müdafiə Qüvvələrinə istinadən məlumat verib.
Məlumata əsasən, İsrail ordusunun Qəzza zolağında yerüstü hərbi əməliyyatları başlamasından indiyə qədər 158 israilli hərbçi öldürülüb.
İsrail-HƏMAS döyüşləri gərginləşdiyi 7 oktyabrdan indiyə qədər isə ümumilikdə 491 israilli hərbçi öldürülüb.
Xatırladaq ki, HƏMAS təşkilatının İsrail ərazisinə raket zərbələri endirməsinə cavab olaraq, 7 oktyabrda İsrail ordusu “Dəmir qılınclar” (“Iron swords”) əməliyyatına başladığını bəyan edib. Hərbi əməliyyatlar 81-ci gündür davam edir.
