Qəzza zolağının mərkəzində yerləşən Əl-Bureyc düşərgəsində HƏMAS qruplaşmasına məxsus raket zavodunda baş verən partlayış nəticəsində 6 İsrail əsgəri həlak olub. Bu barədə 10 yanvar tarixində APA xarici KİV-yə istinadən məlumat yayıb.
Qəzetin məlumatına görə, partlayıcı maddələrin işə düşməsi İsrailin zavodu atəşə tutmasından sonra baş verib. 6 İsrail əsgərinin ölümünə səbəb olan partlayış nəticəsində yeraltı infrastrukturu da olan emalatxana dağıdılıb.
İsrail ordusunun Qəzza zolağında HƏMAS-yə qarşı quru əməliyyatı başlayandan bəri həlak olan hərbçilərinin sayı 185-ə çatıb. Ümumilikdə 7 oktyabrdan bəri Fələstin-İsrail münaqişəsində İsrail ordusunun 520 hərbçisi ölüb.
