Bu ilin aprelindən bəri ölkədə 300-ə yaxın qızılcaya yoluxma hadisəsi qeydə alınıb.
Səhiyyə Nazirliyindən verilən məlumata əsasən, onların 35-i yaşlı insanlardır.
İnsanoid qızılcanın nə olduğunu və ondan necə qorunmalı olduğunuzu araşdırıb.
Qızılca - çox asanlıqla yayılan və bəzi insanlarda ciddi problemlər yarada bilən bir infeksiyadır.Tibdə rubeola və ya morbilli kimi də tanınan bu xəstəlik tənəffüs sisteminin viral infeksiyası kimi də təyin edilə bilər.
Hava-damcı yolu ilə insandan insana keçir.
[caption id="attachment_140163" align="alignnone" width="696"]
Freepik[/caption]
Virusa yoluxduqdan təxminən 8-12 gün sonra xəstəliyin ilk əlamətləri görünür.
Burun axması, öskürək, asqırma, halsızlıq, yorğunluq, yüksək hərarət, boğaz ağrısı, ağızda, diş ətlərinin ətrafında, yanaqların içərisində kiçik boz rəngli ləkələr, gözün işığa həssaslığı kimi əlamətlər ortaya çıxır. Xəstəliyin 4-8-ci günlərində hərarət 39-41 dərəcə arasında dəyişir.
İnkubasiya dövrü 10-14 gün arasında olan qızılcanın yeganə məlum mənbəyi insandır. Xəstənin öskürməsi və ya asqırması, o cümlədən yoluxmuş şəxslə fiziki təmasda olma xəstəliyin ötürülməsinə səbəb olur.
Xəstəliyin 15-17-ci günlərində immun sistemin reaksiyası ilə virusun yayılması dayandırılır və immun sistemi xəstəliklə mübarizəyə başlayır.
Sağlam bir insanın qızılcaya yoluxmuş şəxsin istifadə etdiyi dəsmal, geyim, boşqab, çəngəl və ya oyuncaq kimi əşyalara toxunması böyük risk yaradır. Əgər insan bu əşyalara toxunarsa, sonra əlini sabunlamadan ağzına, burnuna və ya gözünə sürtərsə, xəstələnə bilər.
Qızılcaya yoluxan insan, adətən, təxminən bir həftə ərzində yaxşılaşmağa başlayır. Amma bəzi hallarda bu xəstəlik təhlükəli ola bilir.
Qızılcanın səbəb ola biləcəyi problemlər aşağıdakılardır:
Maye balansını qorumaq vacibdir. Qida çatışmazlığı (yetərsiz qidalanma) olan və 2 yaşa qədər uşaqlara A vitamini əlavəsi verilməlidir. Yoluxan insanlara yataq istirahəti və sulu yeməklər tövsiyə olunur. Göz qapaqlarını ilıq su ilə təmizləmək, yüksək hərarət zamanı qızdırmasalıcı dərmanlar qəbul etmək olar. Otağın havasını nəm saxlamaq vacibdir.
Qızılcadan qorunmağın ən təhlükəsiz və təsirli yolu peyvənd olunmaqdır.
Əsasən, uşaqlıq dövründə və iki dozada tətbiq edilir. Birinci doza uşaq 12-15 aylıq ikən, ikinci doza 4-6 yaş arasında vurulur.
