Qubada vətəndaşların etibarından sui-istifadə edərək onlara 57 min manat ziyan vuran şəxs saxlanılıb. Bu barədə İnsanoid DİN-in mətbuat xidmətinə istinadən bu gün, 17 yanvar tarixində xəbər verir.
Əməliyyat-axtarış tədbirləri zamanı rayon sakini Zəkəriyyə İsmayılov saxlanılıb.
Həmin şəxs səlahiyyəti olmadığı halda bir neçə şəxsə problemlərinin həllinə dair vədlər verərək onlara külli miqdarda ziyan vurub.
Tamah niyyəti ilə özgənin əmlakını talama məqsədilə etibarından sui-istifadə etmə və aldatma yolu ilə vahid qəsdlə uzun müddət ərzində ayrı-ayrı şəxslərə vədlər verərək, onların ümumilikdə 57.000 (əlli yeddi min) manat pulunu ələ keçirib.
Həmin şəxs ifadəsində etdiyi dələduzluq əməllərini etiraf edib.
Faktla bağlı cinayət işi başlanılıb və məhkəmənin qərarı ilə Zəkəriyyə İsmayılovun barəsində həbs qətimkan tədbiri seçilib.
