28,5 kilometr uzunluğa malik olan Qubadlı-Eyvazlı avtomobil yolunun tikinti işləri davam edir. Bu haqda Report aprelin 29-da xəbər paylaşıb.
Hazırda yolun 4 aşırımlı körpüsündə svay, qazma və betonlanma işləri aparılır.
Tikintinin qısa zamanda bitməsini təmin etmək üçün ərazidə düşərgə inşa edilib. Düşərgədə asfalt-beton zavodu, maşın-mexanizmlərin saxlanılması və xidməti üçün xüsusi ərazi, habelə işçilər üçün ofis, yeməkxana və dincəlmək üçün yerlər qurulub.
Qubadlı rayonunun Mahmudlu, Xıdırlı, Məlikəhmədli, Qudanlı, Davudlu, Eyvazlı kəndlərindən keçən avtomobil yolunun tikintisinin başa çatdırılması 2022-ci ildə nəzərdə tutulub.
[URIS id=45213]
