Qüdsün David şəhərində 2,3 min il yaşı olan qızıl üzük tapılıb. Bu barədə İnsanoid İsrail hökumətinin mətbuat xidmətinə istinadən bu gün, 28 may tarixində xəbər verir.
İsrailin Qədim Əşyalar İdarəsi və Tel-Əviv Universitetinin arxeoloqları birgə qazıntılar zamanı aşkarladıqları üzük barəsində deyiblər:
"Üzük çox kiçikdir. Həm qadının kiçik barmağına, həm də gənc qızın və ya oğlanın barmağına uyğun olardı".
Arxeoloqlar iyirmi ildir ki, Qüdsün ən qədim yaşayış sahəsi olan David şəhərində qazıntılar aparırlar. Bibliya dövründə kral Davudun sarayı, eləcə də qurduğu krallığın paytaxtı orada yerləşirdi. XXI əsrin əvvəllərində David şəhərinin ərazisində arxeoloqlar, ehtimal ki, şəhərin divarlarını və Davudun varisi Kral Salomonun dövrünə aid evlərin qalıqlarını tapıblar.
