Qusarda narkotikin təsiri altında avtomobil idarə edən sürücü saxlanılıb. Bu barədə aprelin 27-də Report məlumat yayıb.
Rayon sakini Müzəffər Şahbazlı idarə etdiyi “VAZ-21101” markalı avtomobillə yol hərəkəti qaydalarını, ictimai-asayişi kobud şəkildə pozaraq vətəndaşların haqlı narazılığına səbəb olan hərəkətlər törədib.
Sürücünün narkotik vasitənin təsiri altında olmasına dair əsaslı şübhələr yaranıb. O, həkim müayinəsindən keçirilib və narkotik vasitənin təsiri altında olması müəyyən olunub.
Qusar Rayon Məhkəməsinin qərarı ilə həmin şəxs 15 gün müddətinə həbs edilib.
