Çeçenistan rəhbəri Ramzan Kadırovun qızı Xədicat Kadırova ölkə başçısının və hökumətinin aparatı rəhbərinin birinci müavini vəzifəsinə təyin edilib. Bu barədə 1 fevral tarixində Report regional parlamentin sədri Maqomed Daudova istinadən məlumat verib.
“Çeçenistan Respublikasının birinci prezidenti, Rusiya Qəhrəmanı Axmat-Xaji Kadırovun nəvəsini Çeçenistan Respublikasının başçısı və hökuməti administrasiyası rəhbərinin birinci müavini – Çeçenistan Respublikasının naziri vəzifəsinə təyin olunması münasibətilə təbrik edirəm.
Xədicat Kadırova zəhmətkeşliyi, fədakarlığı və qarşıya qoyulan tapşırıqların həllinə məsuliyyətlə yanaşması ilə seçilir”, - deyə o bildirib.
Əvvəllər o, Qroznı şəhər meriyasında məktəbəqədər təhsil şöbəsinin müdiri vəzifəsində çalışıb.
