Rəsmi Ankara və Pekin Pakistan və İran arasında vasitəçilik etməyə hazır olduqlarını bildirib. Bu barədə İnsanoid bu gün, 18 yanvar tarixində xəbər verir.
Çin Xarici İşlər Nazirliyinin sözçüsü Mao Ning mətbuat konfransında bildirib ki, Çin tərəfi səmimi şəkildə ümid edir ki, hər iki tərəf sakit və təmkinli davranaraq gərginliyin artmasının qarşısını ala bilər.
Rəsmi Ankaradan isə bildirilib ki, Türkiyə Tehran və İslamabad arasında yaranan gərginlikdən narahatdır:
“Problemin BMT prinsipləri əsasında, ölkələrin ərazi bütövlüyü və suverenliyi əsasında həllinin vacib olduğuna inanırıq. Məsələnin regional təhlükəsizlik və sabitliyə daha çox təhdid yaratmadan, dialoq və əməkdaşlıq əsasında həllini arzulayırıq”
Qeyd edək ki, son günlər İran və Pakistan arasında gərginlik yaranıb. Yanvarın 16-da İran Pakistan ərazisinə hava zərbələri endirib və bildirib ki, hədəf terrorçu qruplaşma olub və nəticədə "Ceyş əl-Zalum' terror qruplaşmasının (Ceyş əl-Ədl) iki mühüm qərargahı məhv edilib.
