Yanğın Respublika Perinatal Mərkəzinin dördüncü mərtəbəsində baş verib. Bu barədə 9 yanvar tarixində Report məlumat verib.
Yanğın bir otaqda 35 kvadratmetr sahəni əhatə edib. Binanın dörd və üçüncü mərtəbələrindəki pasiyent və personal təxliyə olunub.
PM-də stasionar müalicə alan 90 nəfərdən 50-yə qədər pasiyentin (yenidoğulmuş, hamilə və zahı qadın) təxliyəsi reallaşıb.
"1 nəfər - Respublika Perinatal Mərkəzinin mühafizəçisi tüstüdən zəhərlənmə səbəbi ilə Kliniki Tibbi Mərkəzin Toksikologiya şöbəsinə hospitalizasiya olunub. Ona zəruri tibbi xidmət göstərilir. TƏBİB rəhbərliyi hadisə yerindədir", - TƏBİB-dən bildirilib.
