Rusiya prezidenti vəzifəsi uğrunda dörd namizəd mübarizə aparacaq. Bu barədə Rusiya Mərkəzi Seçki Komissiyasının sədri Ella Pamfilova bildirib.
Bu barədə 8 fevral tarixində APA məlumat verib.
Seçkilər martın 15-dən 17-dək keçiriləcək.
Bunlar:
- Rusiya MSK tərəfindən dövlət başçısı vəzifəsinə namizədliyi təsdiqlənmiş hazırkı prezident Vladimir Putin,
- Liberal Demokrat Partiyasının lideri Leonid Slutski,
- Kommunist Partiyasından Nikolay Xaritonov,
- "Yeni insanlar" partiyasından Vladislav Davankovdur.
Qeyd edək ki, Rusiya Mərkəzi Seçki Komissiyası müxalif "Vətəndaş Təşəbbüsü" partiyasından Boris Nadejdini və "Rusiya Kommunistləri"nin namizədi Aleksey Malenkoviçi prezidentliyə namizəd kimi qeydə almaqdan imtina edib. Buna onları dəstəkləmək üçün toplanılan imzaların 10%dən çoxunun etibarsız olması səbəb olub. Nadejdin MSK-nın müvafiq qərarı ilə bağlı Ali Məhkəməyə müraciət edəcəyini açıqlayıb.
