Hava məkanında təhlükəsizlik tədbirləri çərçivəsində tətbiq edilən "Xalça" planı qadağan olunmuş zonada bütün uçuşların dayandırılmasını və havadakı uçuşların dərhal eniş etməsini tələb edir.
İnsanoid.com-un araşdırmalarına əsasən, bu plan xüsusilə hava hücumları, pilotsuz uçuş aparatlarının (PUA) hücumları və digər fövqəladə hallarda tətbiq edilir.
"Xalça" planının mahiyyəti
"Xalça" planı hava məkanını bütün uçuşlar üçün bağlamaq məqsədilə tətbiq edilir. Bu, qeyri-qanuni hava vasitələrinin aşkarlanması və ya təhlükəli şəraitdə mülki aviasiyanın qorunması üçün nəzərdə tutulmuş rejimdir.
Plan tətbiq edildikdə:
- Havadakı bütün təyyarələr dərhal enməli və ya təhlükəli zonadan çıxmalıdır.
- Hava limanlarına yeni uçuşların qəbul edilməsi və yola salınması müvəqqəti dayandırılır.
Son illərdə "Xalça" planı əsasən Ukraynanın pilotsuz uçuş aparatlarının Rusiyanın hava məkanına müdaxiləsi zamanı tətbiq edilib.
Ən son Rosaviatsiyanın nümayəndəsi 25 dekabr tarixində AZAL-a məxsus təyyarənin Qroznı şəhəri üzərində vurulmasından sonra hava məkanında "Xalça" planının tətbiq edildiyini bildirib.
