Şəhid Ağayev Asəf Abid oğlunun atası Ağayev Abid İsrəfil oğlu müalicə məqsədilə Türkiyəyə göndərilib. Bu barədə 29 yanvar tarixində “YAŞAT” Fondu məlumat yayıb.
Fond göndərilən şəxslərin müalicəsini tam yekunlaşana qədər nəzarətdə saxlayır.
Bu günə qədər Fond 178-i ağır yaralı, 8-i şəhid ailəsi üzvü olmaqla ümumilikdə 186 şəxsin müalicə məqsədilə Türkiyə Respublikasına göndərilməsini təmin edib. Həmin şəxslərin qarşıdakı aylarda müalicəsi üçün nəzərdə tutulan dərman vasitələri də Fond tərəfindən təmin ediləcək.
