Dünən, aprelin 27-də şahmat üzrə Champions Chess Tour onlayn turnirinin birinci mərhələsinin 6-cı turunun oyunları keçirilib. Şəhriyar Məmmədyarov niderlandlı Yorden Van Forestə 3,5:2,5 hesabı ilə qalib gəlib.
Digər oyunlarda Karlsen Hansenə, Duda Pranyanandxaya, Lyem Le isə Giriyə qalib gəlib. Beləliklə, 8 xal yığan şahmatçımız 6-cı yerdə qərarlaşıb. Bu gün turnirdə son turun oyunları keçiriləcək. Şəhriyar dünya çempionu Maqnus Karlsenlə qarşılaşacaq.
Turnirə bu gün yekun vurulacaq. Yarışın mükafat fondu 210 min dollar təşkil edir.
