Şəmkirdə dönərdən kütləvi zəhərlənmə olub. Bu barədə Report 14 fevral tarixində xəbər verib.
Zəhərlənən şəxslər Şəmkir Rayon Mərkəzi Xəstəxanasına aparılıblar.
Həmin şəxslər 9 yaşlı R.Quluyev, C.Cəlilov, Z.Nadirova, İ.Məmmədova, 4 yaşlı R.Məmmədov, 10 yaşlı A.Məmmədli, 7 yaşlı B.Məmmədli, 6 yaşlı Ö.Məmmədli, 11 yaşlı Ş.İsgəndərov və 16 yaşlı A.Məmmədovadır.
Onlardan ikisinin vəziyyəti kafi qiymətləndirilir.
TƏBİB-dən bildirilib ki, zəhərlənənlər 3-11 yaş arasında azyaşlılardır və hər birinə zəruri tibbi xidmətlər göstərilərək, ambulator müalicə üçün evə buraxılıb, vəziyyətləri qənaətbəxşdir.
Zərərçəkənlər dönərxanada yedikləri dönərdən sonra özlərini pis hiss etdiklərini bildiriblər.
Faktla bağlı araşdırma aparılır.
