Şəmkirdə qanunsuz odlu silah və narkotik saxlayan şəxslər saxlanılıblar. Bu barədə İnsanoid DİN-ə istinadən bu gün, 17 yanvar tarixində xəbər verir.
Üzərində qanunsuz olaraq odlu silah gəzdirməkdə şübhəli bilinən rayon sakini, əvvəllər məhkum olunmuş Ramil Sadıqov saxlanılaraq polis şöbəsinə gətirilib. Üzərinə baxış zamanı “Makarov” markalı tapança, həmin silaha aid 6 ədəd atəşə yararlı 9 mm-lik patron və bir ədəd sandıqca aşkarlanıb.
Qanunsuz olaraq narkotik vasitə əldə edib saxlamaqda şübhəli bilinən rayon sakini Vüqar Qasımov da saxlanılıb. Onun üzərindən “heroin” aşkar edilən şübhəli şəxsin yaşadığı evdən bir ədəd atəşə yararlı “Makarov” tapançası və dörd ədəd patron tapılıb.
[caption id="attachment_159000" align="alignnone" width="696"]
Foto DİN[/caption]
Axtarış, profilaktiki tədbirlər nəticəsində rayon sakinlərinə məxsus 8 ədəd, müvafiq sənədləri olmayan müxtəlif marka və kalibirli ov tüfəngləri də aşkar edilərək götürüb.
Götürülən maddi sübutlar müvafiq ekspertizaya təqdim edilib, faktlarla bağlı araşdırmalar davam etdirilir.
[caption id="attachment_159003" align="alignnone" width="696"]
Foto DİN[/caption]
