Şəmkirdə xəsarətlə nəticələnən yol qəzası baş verib. Bu barədə APA 7 oktyabr tarixində xəbər verib.
Rayonun 20 Yanvar küçəsində hərəkətdə olan “Qazel” markalı yük maşını ilə "Hyundai" markalı minik avtomobili toqquşub.
Qəzadan sonra avtomobillərdə yanğın baş verib.
Dərhal hadisə yerinə FHN Dövlət Yanğından mühafizə xidməti Şəmkir rayon Dövlət Yanğından mühafizə hissəsinin yanğınsöndürən avtomobilləri və canlı qüvvəsi cəlb olunub. Yanğın söndürülüb, hadisə zamanı 1 nəfərin xəsarət aldığı bildirilir.
Faktla bağlı araşdırma aparılır.
