“Sehrli xalat” filmində baş rolun ifaçısı Azər Qurbanov 69 yaşında vəfat edib. Bu barədə 24 yanvar tarixində Report Əməkdar mədəniyyət işçisi Yusif Şeyxova istinadən məlumat yayıb.
O bildirib ki, Azər Qurbanov bir müddət əvvəl ağır xəstəlikdən Amerika Birləşmiş Ştatlarında (ABŞ) həyatını itirib.
Qeyd edək ki, Azər Qurbanov 1955-ci ildə Balakəndə anadan olub. O, sözügedən filmdə Rəşid obrazını canlandırıb. “Odessa” kinostudiyasının istehsalı olan “Göy quş”, “Hakim”, “Xarici qadın”, “Külək” filmlərində çəkilib. 1992-ci ildən ABŞ-nin Nyu-Cersi ştatının Şort-Hills şəhərciyində yaşayırdı.
