Şeyxa Moza bint Nasser (Qətərin keçmiş əmiri Şeyx Həməd bin Xəlifə Al Taninin həyat yoldaşı) UNESCO-nun xoşməramlı səfiri vəzifəsini tərk etmək qərarına gəlib. Bu barədə 16 noyabr tarixində Report “Əl-Cəzirə”yə istinadən xəbər verir.
Onun bu addımı atmasına səbəb UNESCO-nun Qəzza zolağındakı uşaqları xilas etmək və onlara kömək etmək vəzifəsini yerinə yetirə bilməməsidir.
Bildirilib ki, o, bu qərarını İstanbulda keçirilən “Fələstin üçün tək ürək” toplantısında açıqlayıb.
Qeyd edək ki, Şeyxa Moza bint Nasser 2003-cü ildən qlobal təhsilin dəstəklənməsində BMT ilə əməkdaşlıq edir.
