Snoop Dogg-un Ermənistandakı konserti bu ilin avqustunda baş tuta bilər. Bu barədə İnsanoid Ermənistanın təhsil, elm, mədəniyyət və idman naziri Janna Andreasyana istinadən bu gün, 5 iyun tarixində xəbər verir.
Ermənistan naziri xatırladıb ki, ötən il reper "Snoop Doqg"un sentyabrın 23-nə planlaşdırılan konserti hamıya məlum olan səbəblərdən təxirə salınıb:
“Bu il üçün təşkilatçılardan təkliflər gözləyirik. Tarixlər üçün üç seçim olmalıdır. Bunlardan ən rasional olanı seçəcəyik. Bu konsert əvvəlki razılaşmalar çərçivəsində təşkil olunacaq. Yeni heç nə nəzərdə tutulmayıb”, - Andreasyan bildirib.
Ermənistan hakimiyyəti təxirə salınmış konsertin ləğvinə görə dövlət büdcəsindən Snoop Dogg-a 6 milyon ABŞ dolları təzminat ödəmişdi.
