Surinamda qanunsuz qızıl mədəninin çökməsi nəticəsində azı 14 nəfər həlak olub. Bu barədə 22 noyabr tarixində Report “Prensa Latina” agentliyinə istinadən məlumat yayıb.
Qəza Çin şirkətlərindən birinin mədənçiliklə məşğul olduğu ərazidə baş verib. Bir neçə həftə əvvəl həmin şirkətin xahişi ilə polis və ordu çoxlu sayda qeyri-qanuni qızıl mədənçilərini əvvəllər yeni yataqlar aşkar edilmiş ərazidən uzaqlaşdırıb. Lakin qrup bir neçə gün sonra geri qayıdıb.
Hadisənin səbəbləri araşdırılır.
