Qızılcaya yoluxan xəstələrin evdə və özlərinin bildikləri kimi müalicə edilmələri düzgün hesab edilmir. Bunu Tibbi Ərazi Bölmələrini İdarəetmə Birliyinin (TƏBİB) İcraçı direktoru Vüqar Qurbanov deyib.
Bu barədə 8 dekabr tarixində Report məlumat verib.
Sədrin sözlərinə görə, xəstəyə ixtisaslı həkimlərin baxmasına ehtiyac var:
“Bu xəstələrin evdə və özlərinin bildikləri kimi müalicə edilmələri düzgün hesab edilmir. Tibb müəssisələrimiz də buna hazırdır. İstənilən sayda ambulator şəraitdə xəstə də qəbul edə bilirik”.
“Valideynlər və vətəndaşlar övladlarında qızılca ilə bağlı hansısa simptomun olduğunu görəndə tibb müəssisələrimizə müraciət etsinlər”, - deyə TƏBİB sədri qızılca ilə bağlı valideynlərə çağırışında deyib.
