Türkiyə vətəndaşı Göygöl rayonunda idarə etdiyi yük maşınında ölüb. Bu barədə Report 7 dekabr tarixində xəbər verib.
Balçılı kəndində yerləşən, yük avtomobili sürücülərinin istirahət etməsi üçün nəzərdə tutulmuş "Türk Tır Parkı" adlanan ərazidə 61 yaşlı Zikri Söğüt dünyasını dəyişib.
"Ağaçlı" yükdaşıma şirkətində sürücü işləyən şəxs yük avtomobili ilə Türkiyədən qayıdarkən dekabrın 5-də gecə saatlarında avtomobilini saxlayaraq salonda yatıb, dekabrın 6-da səhər saat 8:00 radələrində iş yoldaşı, digər yük avtomobilinin sürücüsü Zikri Söğütü oyatmaq üçün gələrkən onun öldüyünü aşkarlayıb.
Faktla bağlı Göygöl Rayon Prokurorluğunda araşdırma aparılır.
