Türkiyədə daha bir futbol hakimi döyülüb. Bu barədə İnsanoid Türkiyə mətbuatına istinadən bu gün, 20 dekabr tarixində xəbər verir.
Hadisə Birinci Həvəskar Liqada baş verib.
"Kumçatıspor" klubunun oyunçuları "Cizre Diclespor"la qarşılaşmada hakimlərə, ardından isə rəqib futbolçulara hücum ediblər.
Nəticədə köməkçi hakim Veysel Samsakın burnu qırılıb. Azarkeşlər isə "Cizre Diclespor"un avtobusuna hücum çəkiblər.
Daha əvvəl Superliqanın XV turunun “Ankaragücü” – “Rizəspor” (1:1) oyunundan sonra paytaxt təmsilçisinin prezidenti Faruk Koca meydana daxil olaraq, baş hakim Halil Umut Meleri yumruqla vurub.
