Türkiyəli aparıcı və yazıçı Metin Uca 62 yaşında vəfat edib. Bu barədə onun meneceri Kübra Kalem Baykara X sosial şəbəkəsində xəbər verib.
Xatırladaq ki, noyabrın əvvəlində Türkiyənin Kocaeli şəhərinin Dilovası rayonunda avtomobil sürərkən aparıcının vəziyyəti anidən pisləşib və o, qəza törədib. Onun şah damarlarının tıxanmış olduğu məlum olub.
Qeyd edək ki, Metin Uca 1961-ci ildə İstanbulda doğulub. Karyerasına “Anadolu” agentliyində başlayan jurnalist fəaliyyətini TRT, daha sonra “Kanal D”, “Show TV”, ATV və “Star TV”də davam etdirib. O, ilk növbədə, “Passaparola” verilişinin aparıcısı kimi tanınıb. Uca yazıçı kimi bir neçə kitabın müəllifidir.
