Rusiya Prezidenti Vladimir Putin “Rossiya-24” telekanalının jurnalisti Boris Maksudovun ölümündən sonra “İgidliyə görə” ordeni ilə təltif edilməsi haqqında Fərman imzalayıb. Bu barədə İnsanoid TASS-yə istinadən bu gün, 25 noyabr tarixində xəbər verir.
Maksudov noyabrın 22-də Zaporojye vilayətində Ukraynaya məxsus pilotsuz təyyarənin hücumu nəticəsində yaralanıb. Noyabrın 23-ü səhər saatlarında onun öldüyü bildirilir.
Maksudov son bir neçə ildə “Rossiya-24” telekanalında işləyib, dəfələrlə qaynar nöqtələrdən və xüsusi hərbi əməliyyat zonasından reportajlar hazırlayıb. O, son bir ayda Zaporojye vilayətində olub, cəbhə xəttində baş verənləri işıqlandırıb.
