Un və çörəyin qiymətlərinin artması ilə bağlı sahibkarlara vəziyyətdən sui-istifadə etməmələri üçün xəbərdarlıq edilib. Bu haqda 5 yanvar tarixində Antiinhisar və İstehlak Bazarına Nəzarət Dövlət Xidmətinin saytında məlumat verilib.
Belə ki, məlumatda deyilir ki, qurum sözügedən məhsulların qiymətində və çəkisində əsassız dəyişikliyin qarşısını almaq və keyfiyyətinə nəzarət etmək üçün monitorinqlər aparılır.
Qeyd edək ki, yanvarın 4-dən mağazalarda satılan çörəyin qiyməti 15-20 qəpik artıb. Buna səbəb kimi qlobal neqativ proseslər, qeyri-müəyyənliklər, istehsala və təchizat zəncirlərinə təzyiqlər, həmçinin COVID-19 pandemiyası göstərilir.
