Ermənistan İstintaq Komitəsi qondarma rejimin “Təhlükəsizlik Şurasının keçmiş katibi” Vitali Balasanyana qarşı qanunsuz silah saxlama maddəsi ilə cinayət işinin başlandığını elan edib.
Bu barədə İnsanoid Ermənistan mediasına istinadən bu gün, 25 oktyabr tarixində xəbər verir.
İstintaq Komitəsinin mətbuat katibi Qor Abramyan bildirib ki, Balasanyan “Makarov” tapançasını təhvil verib.
O, bu faktla bağlı V. Balasanyana Ermənistan Cinayət Məcəlləsinin 335-ci maddəsinin 1-ci hissəsi (qanunsuz olaraq silah əldə etmə, başqasına vermə, satma, saxlama, daşıma, göndərmə və ya gəzdirmə) ilə iş açıldığını deyib.
Bu maddə ilə azadlıqdan məhrum etmənin maksimum müddəti üç ildir.
