Xaçmazda həmkəndlisini güllələyən Nail Mayılovun məhkəməsi başlayır. Bu barədə Report aprelin 21-də məlumat yayıb.
Hadisə bu ilin yanvarında Xaçmaz rayonunun Köhnə Xaçmaz kəndində baş verib. Belə ki, gecə kənd sakini N. Mayılov şəxsi münasibətlər zəminində həmkəndlisi, 1989-cu il təvəllüdlü Cavid Mahmudova ov tüfəngindən atəş açaraq xəsarət yetirib.
Faktla bağlı N. Mayılova qarşı Cinayət Məcəlləsinin “qəsdən adam öldürməyə cəhd etmə” maddəsilə cinayət işi başlanıb.
