Xaçmazda meyiti tapılan şəxsi qətlə yetirməkdə şübhəli bilinən şəxs saxlanılıb. Bu barədə 15 sentyabr tarixində İnsanoid-ə Daxili İşlər Nazirliyindən məlumat verilib.
Meyiti tapılan şəxs 56 yaşlı Müşkür kənd sakini, Rzayev Qərib Əkbər oğludur.
Onu öldürməkdə şübhəli bilinən 27 yaşlı rayon sakini Yalçın Hüseynov saxlanılıb.
Faktla bağlı araşdırmalar aparılır.
***
13:15
Xaçmazda naməlum kişi meyiti tapılıb. Bu barədə 15 sentyabr tarixində Report xəbər verib.
Meyit rayon ərazisindəki kafenin yaxınlığında aşkarlanıb.
Meyit müayinə olunmaq üçün Səhiyyə Nazirliyinin Məhkəmə - Tibbi Ekspertiza və Patoloji Anatomiya Birliyinin Xaçmaz rayon Şöbəsinə təhvil verilib.
Faktla bağlı araşdırmalara başlanılıb.
