Bu il sentyabrın 15-də Xaçmaz rayonunda sel sularının uçurduğu Qüdyalçay üzərində yerləşən körpünün yerində inşa edilmiş yeni körpü istifadəyə verilib. Bu barədə 23 dekabr tarixində Report məlumat verib.
Respublika əhəmiyyətli Gəndob-Xaçmaz-Yalama-Rusiya ilə dövlət sərhədi avtomobil yolunun 27-ci km-də yerləşən ikiaşırımlı yeni körpü 97 min əhalisi olan 98 yaşayış məntəqəsini rayon mərkəzi və ətraf ərazilərlə birləşdirir.
Onun uzunluğu 66 metr, eni 15 metrdir.
Körpü istifadəyə verilsə də, onun mühafizə bəndlərinin və istinad divarlarının tikintisi davam etdiriləcək.
