Xaçmazın Nabran kəndində dava güllələnmə ilə bitib. Bu barədə Report 4 noyabr tarixində xəbər verib.
Rayonun Şimali kəndinin 45 yaşlı sakini Ramik Rüstəmov Nabran kəndi ərazisində Zalov Cami Nizam oğlu ilə qarşılıqlı mübahisə zamanı çoxsaylı bıçaq xəsarəti və ayaq nahiyəsindən silah yarası alıb.
Hadisənin digər iştirakçısı olan və onları ayırmağa çalışan rayonun Yalama kənd sakini, 1978-ci il təvəllüdlü Şıxmətov Şöhrət Gülmət oğlu isə qol nahiyəsindən bıçaq xəsarətləri alıb.
Yaralılar təcilli tibbi yardım briqadası ilə Xaçmaz Rayon Mərkəzi Xəstəxanasına çatdırılıblar.
Hadisəni törətməkdə şübhəli bilinən C.Zalovun saxlanılması istiqamətində hüquq-mühafizə orqanları tərəfindən zəruri tədbirlər həyata keçirilir.
Hadisənin başvermə səbəbi məlum deyil.
Faktla bağlı araşdırma aparılır.
