ABŞ Prezidenti Co Baydenin erməni anım günü ilə əlaqədar səsləndirdiyi bəyanatında 1915-ci il hadisələri ilə bağlı tarixi həqiqətlər təhrif edilib. Bu haqda aprelin 24-də Xarici İşlər Nazirliyi məlumat yayıb.
Bildirilib ki, bu hadisələrin yanlış şəkildə təqdim edilməsi, qondarma “erməni soyqırımı” məsələsinin siyasiləşdirilərək gündəmə gətirilməsi cəhdləri qəbuledilməzdir.
“Bu bəyanat, həmçinin hazırda Türkiyə və Ermənistan münasibətlərinin normallaşması məqsədilə aparılan danışıqlara uyğun gəlmir. 1915-ci il hadisələri siyasətçilər deyil, tarixçilər tərəfindən araşdırılmalıdır”, - deyə məlumatda qeyd edilib.
