Xızıda bir neçə avtomobil dərəyə yuvarlanıb, 2 qadın köməksiz vəziyyətdə qalıb. Bu barədə İnsanoid bu gün, 30 avqust tarixində Fövqəladə Hallar Nazirliyinə istinadən xəbər verir.
Xızı-Giləzi yolunun Xızı rayonu ərazisindən keçən hissəsində bir neçə avtomobil güclü yağışın yaratdığı lilli və palçıqlı sel suyu nəticəsində dərəyə yuvarlanıb. Nəticədə vətəndaşlar köməksiz vəziyyətdə qalıblar.
Əraziyə cəlb olunan yanğınsöndürən-xilasedicilər tərəfindən 2 qadın dərəyə düşmüş nəqliyyat vasitəsindən çıxarılaraq xilas edilib.
Xızı-Giləzi yolunun qeyd edilən hissəsində çətin vəziyyətdə qalan digər avtomobillər təhlükəsiz əraziyə çıxarılıb.
