Qeyri-sabit hava Balakən və Zaqatalada fəsadlara səbəb olub. Bu barədə İnsanoid bu gün, 18 sentyabr tarixində APA-ya istinadən xəbər verib.
Balakənin Qabaqçöl qəsəbəsi ərazisinə dolu, rayon mərkəzi və Hənifə kəndi ərazisinə isə leysan yağıb. Leysan nəticəsində bir sıra evlərin birinci mərtəbəsinə, zirzəmilərinə və həyətyanı sahələrə yağış suları dolub. Rayonun bir çox yaşayış məntəqələrində qeyri-sabit hava şəraiti səbəbindən elektrik enerjisinin verilməsində fasilə yaranıb.
Zaqatalanın dağətəyi Car və Yuxarı Tala kəndlərində qısamüddətli dolu yağıb. Rayonun Car, Yuxarı Tala, Aşağı Tala və bir sıra ərazilərinə qeyri-sabit hava şəraiti səbəbindən elektrik enerjisinin verilməsində fasilə yaranıb.
Rayonlarda qeyri-sabit hava şəraiti davam edir.
