Sertifikatlaşdırma prosesinin müsahibə mərhələsinin nəticələri açıqlanıb. Bu barədə 27 oktyabr tarixində Təhsil İnstitutunun İnsan Resursları Mərkəzi xəbər verib.
8 sentyabr tarixində keçirilən təkrar sertifikatlaşdırma müsahibələrində 1376 müəllim uğur qazanaraq sertifikatlaşdırmadan keçmiş hesab olunub. 14 oktyabr tarixinədək təşkil olunan sertifikatlaşdırma prosesinin müsahibə mərhələsində isə 21.883 nəfər təhsilverən iştirak edib. İştirak edən təhsilverənlərdən 21.784 nəfər uğur qazanıb.
Sertifikatlaşdırmadan keçmiş 5246 təhsilverənin vəzifə maaşına 35%, 17.914 təhsilverənin maaşına isə 10% artım tətbiq olunacaq.
Sertifikatlaşdırmanın müsahibə mərhələsində iştirak etməyən və ya uğur qazanmayan müəllimlər 1 il müddətində iş yeri saxlanılmaqla, təkrar sertifikatlaşdırmanın müsahibə mərhələsində iştirak etmək hüququna malikdirlər.
