Zaqatalada canavar şəxsi təsərrüfata hücum edib. Bu barədə APA 4 yanvar tarixində xəbər verib.
Yanvarın 3-dən 4-nə keçən gecə rayonun Yengiyan kəndində kənd sakini İradə Qurbanovanın yaşadığı evin həyətyanı sahəsindəki mal tövləsinə canavar hücum edib.
Yırtıcı heyvan tövlədə olan xırdabuynuzlu heyvanlardan 5 başını parçalayaraq tələf edib, daha bir neçə baş xırdabuynuzlu heyvana isə xəsarət yetirib. Baş vermiş hadisə ilə bağlı müvafiq qurumlara məlumat verilib.
