Zaqatalada iki minik avtomobili toqquşub, sərnişin hadisə yerində ölüb. Bu barədə 14 oktyabr tarixində APA məlumat verib.
Hadisə səhər saat 09:30 radələrində Zaqatala-Muğanlı avtomobil yolunun rayonun Aşağı Tala kəndi ərazisindən keçən hissəsində baş verib.
“VAZ-2106” və "VAZ-2107" markalı iki minik avtomobili toqquşub. "VAZ-2106" markalı avtomobildəki sərnişin hadisə yerində ölüb. Ölən sərnişin avtomobildə sıxılmış vəziyyətdə qalıb. Onun meyiti çıxarılaraq aidiyyəti üzrə həkim briqadasına təhvil verilib.
Qəzada biri azyaşlı olmaqla 4 nəfər xəsarət alıb. Yaralılar Zaqatala Rayon Mərkəzi Xəstəxanasına yerləşdiriliblər. Hazırda yaralıların müayinəsi aparılır və şəxsiyyətləri dəqiqləşdirilir.
"VAZ-2106"da olan şəxslər bir ailənin üzvləridir.
Faktla bağlı Zaqatala rayon Polis Şöbəsində araşdırma aparılır.
