18 il əvvəl nənə və nəvəni öldürməkdə şübhəli bilinən şəxs saxlanılıb. Bu haqda aprelin 14-də Report xəbər verib.
Hadisə 2004-cü ildə Bakının Yasamal rayonunda qeydə alınıb. 1947-ci il təvəllüdlü Rəhilə Cəlilovanın və nəvəsi 1989-cu il təvəllüdlü Aygün Əzizovanın üzərlərində çoxsaylı bıçaq xəsarətləri olan meyitləri yaşadıqları mənzildə aşkar edilmişdir. Faktla bağlı “Qəsdən adam öldümə” (iki və ya daha çox şəxsi öldürmə) maddəsilə cinayət işi açılmışdır.
Keçirilən əməliyyat nəticəsində həmin cinayətin Bakı şəhər sakini Anar Ağalarov tərəfindən törədilməsinə əsaslı şübhələr yaranıb. Hazırda o, narkotik üstündə məhkumluq həyatı yaşayır. Dindirmə zamanı şübhəlinin hadisəni xalası oğlu, mərhum Teymur Məmmədovla birlikdə törətdiyi məlum olub.
Cinayət işi ilə bağlı araşdırma davam edir.
