2022-ci ildən özünüməşğulluq proqramı əsasında kənd təsərrüfatı üzrə verilən bütün aktivlər sığortalanacaq. Bu barədə 3 dekabr tarixində əmək və əhalinin sosial müdafiəsi naziri Sahil Babayev Qəbələdə sahibkarlarla görüşündə bildirib.
Nazirin sözlərinə görə, cari ildən Aqrar Sığorta Fondu vasitəsilə iribuynuzlu heyvanların sığortalanması prosesinə başlanılıb. Artıq 4200 vətəndaşa təqdim edilən 12,6 mindən çox heyvan sığortalanıb.
Sahil Babayev qeyd edib ki, bir illik müqavilə müddətində öncədən müəyyən edilmiş sığorta hadisəsi baş verərsə, vətəndaş yeni aktivlərlə təmin ediləcək.
