İşğaldan azad edilmiş rayonlarda 52 yatağın monitorinqi aparılıb, işğal dövründə dəymiş ziyanın ilkin qiymətləndirilməsi keçirilib. Bu barədə 15 dekabr tarixində Apa məlumat verib.
Bundan əlavə, yeraltı su mənbələrinin öyrənilməsi istiqamətində Ağdam rayonunda 523, Füzuli rayonunda isə 68 quyu təftiş edilib.
Eyni zamanda 2025-ci ilədək işğaldan azad edilmiş ərazilərdə 11 hidroloji, 8 meteoroloji, 1 radiometeoroloji, 4 radioekoloji, 2 hava keyfiyyəti üzrə kompleks avtomatik ölçmə stansiyaları və 1 aerozond stansiyasının quraşdırılması nəzərdə tutulub. Şuşa, Kəlbəcər, Ağdam, Zəngilan və Füzuli rayonlarında 5 meteoroloji stansiyanın quraşdırılması ilə bağlı tədbirlər görülür.
Növbəti ilin aprel ayınadək 10 çay üzərində 11 hidroloji avtomat stansiyanın qurulması işləri başa çatdırılacaq.
2021-ci ilin əvvəlindən Zəngilan, Qubadlı, Füzuli, Ağdam, Cəbrayıl, Şuşa, Kəlbəcər, Laçın, Xocavənd rayonlarının ərazilərində 20 minə qədər ağac tingi əkilib.
