Ağcabədi rayonunda keçmiş həyat yoldaşı və onun atasını bıçaqlayan 39 yaşlı kişi saxlanılıb. Bu haqda dekabrın 10-da Baş Prokurorluq məlumat yayıb.
Hadisə dekabrın 9-u saat 14:00 radələrində rayonun Ağabəyli kəndində baş verib. İlhamiz Cəfərov aralarında yaranmış mübahisə zamanı keçmiş həyat yoldaşını bıçaqla xəsarətlər yetirərək onu qəsdən öldürüb, mərhumun atasını isə yaralayıb.
Faktla bağlı cinayət işi başlanılıb. İlhamiz Cəfərov şübhəli şəxs qismində tutularaq istintaqa cəlb edilib.
Azərbaycanda 2021-ci ilin 9 ayı ərzində baş verən qəsdən adam öldürmə və adam öldürməyə cəhd cinayətləri nəticəsində 51 qadın həyatını itirib. Vətəndaşlar qadına qarşı zorakılıq halları ilə üzləşdikdə Baş Prokurorluğun “961” Çağrı Mərkəzinə müraciət edə bilərlər.
