Ağdam rayonunun işğaldan azad edilmiş hissəsində hər biri 110/35/10 kilovoltluq iki yarımstansiyanın tikintisi yekunlaşıb. Bu haqda Azərtac noyabrın 22-də məlumat yayıb.
Bildirilir ki, “Ağdam-1” yarımstansiyası rayon mərkəzinin girişində, “Ağdam-2” isə rayonun Əsgərana yaxın, Şelli kəndi istiqamətində inşa edilir.
Həmçinin şəhərin yüksəksürətli internet ilə təmin olunması məqsədilə burada fiber optik kabel çəkilib.
Qeyd edək ki, daha öncə enerji obyektləri işğaldan azad edilmiş Şuşada, Kəlbəcərdə, Cəbrayılda, Zəngilanda, Qubadlıda və Füzulidə istismara verilmişdir.
