Ali Məhkəmə rüşvət almaqda təqsirləndirilən Şirvan Şəhər İcra Hakimiyyətinin Mənzil Təsərrüfatı İdarəsinin müdirinin kassasiya şikayətini təmin etməyib. Bu barədə dekabrın 24-də Report məlumat yayıb.
Eyyub Gülməmmədov 2020-ci ilin iyununda özünə məxsus avtomobildə rüşvət alarkən cinayət başında yaxalanıb. E.Gülməmmədov Şirvanda yerləşən yataqxananın 2 otaqdan ibarət hissəsini vətəndaşın adına sənədləşdirilməsi müqabilində ondan 3 000 manat pul alıb.
O, “vəzifəli şəxs tərəfindən qanunsuz hərəkətlərə (hərəkətsizliyə) görə rüşvət alma” maddəsi ilə ittiham olunub. Məhkəmənin hökmü ilə, E.Gülməmmədov 5 il 6 ay müddətinə azadlıqdan məhrum edilib.
