Amerikalı aktyor, rejissor və hip-hop ifaçısı, Oskar mükafatçısı Uill Smit Bakıda çıxış edəcək. Bu barədə 2 avqust tarixində 1news.az məlumat verib.
Amerikalı ulduzun sentyabrın 13-də, “Formula 1” Azərbaycan Qran-prisinin ilk günündə konserti olacaq.
“Crystal Hall”da baş tutacaq konsertdə yalnız “Formula 1” Azərbaycan Qran-prisinə bilet sahibləri iştirak edə biləcəklər.
Qeyd edək ki, “Formula 1” Azərbaycan Qran-prisi 2024-cü il sentyabrın 13-15-də keçiriləcək.
