Bugün ölkə üzrə Amnistiya Aktı ilə daha 60 məhkum cəzadan azad edilib. Bu barədə dekabrın 1-də Bakı şəhər Probasiya İdarəsinin rəisi Namiq İsmayılov bildirib.
İdarədə bununla bağlı tədbir keçirilib. Orada islah işləri, cərimə, ictimai işlər və azadlığın məhdudlaşdırılması cəzalarına məhkum edilən 20 şəxsə Amnistiyanın tətbiq edilməsi barədə qərar təqdim olunub.
İndiyədək sözügedən idarənin qeydiyyatında olan məhkumlardan 666 nəfər azad edilib. Сəzadan azad olunanlardan 92 nəfəri qadın, 558 nəfəri kişi, 47 nəfəri 60 yaşına çatan, 2 nəfəri isə Vətən müharibəsində iştirak edənlər olub.
Amnistiya Aktının ümumilikdə 17 min nəfərə şamil olunması gözlənilir. Milli Məclis amnistiya elan edilməsi haqqında qanun lahiyəsini noyabrın 5-də təsdiqləyib. Amnistiya Aktının icra müddəti 4 ay göstərilməsinə baxmayaraq daha qısa müddətdə yekunlaşması nəzərdə tutulub.
